NAKATITIG LANG siya sa asawa niyang nakahiga sa tabi ng mahimbing nilang anak. Patuloy pa din sa tahimik na pag-iyak ang asawa niya habang nakayakap sa anak nila.
Buong akala niya hindi na niya makikita ang ganitong tanawin. Na magkasama na ang mag-ina niya at heto nga at magkayakap pa ang dalawa.
Pero nandoon pa din ang pag-aalala niya na hindi pa din sila maayos na dalawa dahil sa nalaman nito. kahit pa nga inaasahan na niya na ganito ang magiging reaction ni Rhiane, nagulat pa din siya sa outburst nito kanina.
Hindi niya inasahan na isusumbat sa kanya ni Rhiane ang pagkakalayo nito sa kanila ng anak nila.
Nang makita niyang unti-unting kumakalma ang asawa niya sa pag-iyak, nagpasya siyang lumabas na muna ng kwarto at magpahangin sa labas.
Sa likod ng bahay siya nagtungo para magpah
