Malapit nang lumubog ang araw nang makabalik kami sa beach house. Nawili ako sa paggawa ng mga palamuting gawa sa sea shells na itinuro sa akin ni ‘Nay Linda habang si Mavi naman ay sa paglalaro kay Camilla. Nang matapos siya ay naisipan namang sumama sa mga kalalakihang pumunta sa laot kanina. Marami-rami silang nahuli pagbalik kung kaya’t may dalawang malalaking tulingan kaming dala sa aming pag-uwi. Pinadalhan kami nina Mang Berto para raw mayroon kaming maiulam.
Nilagay muna namin iyon sa sink at pumanhik sa kanya-kanyang kwarto upang maglinis ng katawan. Pagkababa ko ay naabutan ko na siyang abala sa paglilinis ng isda.
“Hey,” pagtawag ko saka tumabi sa kanya roon. Agad na nanuot sa aking ilong ang amoy ng kanyang shower gels. Naging araw-araw ko na sigurong gawain iyon kaya’t nagin
