But I guess, promises are really meant to be broken. Dahil hindi ko alam na may naghihintay pala sa aking surpresa na magiging rason ng muling pagkakalapit namin sa isa’t-isa.
Nagising akong kumikibot-kibot sa sakit ang aking ulo. Sinasabi ko na nga ba’t hindi maganda ang alak sa akin eh. Ilan lang ba ‘yon? Dalawa? Tatlo? O apat? Ewan. Basta ang alam ko, hindi ‘yon lumagpas ng lima. At tignan mo nga naman, halos ilang oras akong nakatulog. Knock out ang lola niyo.
Sapo ang sentido nang maupo ako sa kama. Nang imulat ko ang mata ay halos wala akong maaninag dahil sa dilim ng aking kwarto. Gabi na pala. Kasabay ng aking pagbangon ay ang pagtunog rin ng aking tiyan. Paano ba naman ay hindi pa pala ako kumakain ng lunch at dinner. Anong oras na ba? Bahagyang nasilaw ang aking mata mata
