Tuwang tuwang sinalubong siya ng mga kapwa dancers pagkabalik niya sa loob ng dressing room. Yumakap isa isa sa kanya ang mga ito sa tagumpay ng pagpe-perform niya bilang ‘Malaya’ sa unang gabing pagsasayaw niya sa club. Huling yumakap at bumati sa kanya si Mamu na pinalakpakan pa siya habang malaki ang pagkakangiti.
“Girl, you nailed it!” tuwang sambit nito. “Bumalik ulit ang sigla at ingay ng mga manunuod natin!” ilang beses nitong niyakap ng mahigpit ang inaanak.
Nakangiti lang siya at hindi pa rin makapaniwala sa resulta ng pagpe-perform niya sa taas ng entablado ng DBS Club ilang minuto pa lang ang nakakalipas..
Sa gitna ng kasiyahan nila ay tila mabilis na nag-iba ang reaksyon ng mukha ni Mamu sa naalala mula sa pagsasayaw nito kanina. “Wait lang, pansin ko wala yata sa choreo
