Sa pangatlong beses ay nilingon niya ang orasan. Mag-aalas kuwatro na ng umaga ay hindi pa rin siya dalawin ng antok. Mabuti at linggo ngayong araw at may extra time siya na makapagpahinga.
Kahit pilit niyang iwinawaksi sa isipan ang lahat ng nangyari kanina sa secret room sa loob ng strip club ay pilit pa rin itong pumapasok dito. Ilang araw niya rin pinaghandaan ang lap dance na ginawa kay Gold at alam niyang binakuran niya rin ang puso sa anumang mararamdaman sa oras na isagawa ang planong paghalik sa lalaki na isa sa mga ipinagbabawal ng club na gawin ng mga strippers, pero bakit ngayon ay ginugulo siya ng mga bagay na naramdaman niya kani-kanina lang?
Hindi pa rin niya makalimutan ang mga malalambot na labi ng lalaki na binigyan siya ng mapupusok na mga halik. Ang amoy ng hininga n
