JESSICA’s POV
Ang gaan kasama ni Tony. Hindi ako nainip sa paghihintay.
“May binabasa ka kanina pagdating ko, ‘di ba? Naistorbo yata kita.” Napatingin ako sa hawak kong envelope dito ko ipinasok ang mga papel.
“Ah, iyong questionnaire ni Luiz. Pinapasagutan niya sa akin, hindi ko naman masagutan. Gusto mo ikaw ang sumagot,” alok ko kay Tony.
“Sa ‘yo ibinigay, bakit ako papasagutin mo? Pero patingin nga.”
Inilabas ko mula sa envelope ang mga papel.
“May pangalan mo na pala, hindi na ito puwedeng ipasa pa sa iba.” Tiningnan pa ako ni Tony. “Anong subject ba ito? Parang questions sa mga slambook. Sagutin mo na. Madali lang naman ‘yan.”
“Ang hirap kaya. Ewan ko ba kay Luiz, bakit ganito ang mga tanong?”
“Sino ba si Luiz? Kaklase mo dati? Kaibigan?”
“Ha?”
“May mali ba sa tanong ko?
