JESSICA’s POV
Nagmamadali ako sa paglalakad dahil kailangan kong dumating bago mag-twelve o’clock. Iyon ang lunch break ni Luiz. Saan kaya kami kakain na dalawa?
Ilang minuto rin ang nilakad ko papunta sa school. Kaya kapag nag-work na ako, pamasahe na lang pauwi ang gastos ko. Makikisabay ako kay Luiz pagpasok at lalakarin ko naman kapag natanggap ako sa in-apply-an ko.
Ngayon lang ako nagkaroon ng kaibigan na lalaki. Pero hindi pa pure. Sabagay, pinagbabawalan ako noon ni Kuya na makipagkaibigan sa mga lalaki dahil ayaw niya na baka may gawing hindi maganda.
Hindi naman ako nakipagtalo kay Kuya sa bagay na iyon. Para sa akin naman ang sinasabi niya.
Narating ko na rin ang Faculty Room.
“Good morning po, Ma’am. Kay Sir Murillo po.” Ang bilin sa akin ni Luiz, sabihin ko lang ang p
