[CAPTAIN HAMZA CAMERON’S P.O.V.]
Bago pa makapagtanong muli sa akin si Presley ay lumabas na mula sa operating room si Savannah. Mabilis ko siyang nilapitan at gano’n din si Presley. “How is he?” tanong ko agad. Sobra na naman ang pag-aalala ko para sa kalagayan ni Cade. Hindi naman na ito ang unang beses na inoperahan siya dahil sa giyera. Pero ito ang unang beses na ako mismo ang dahilan kung bakit nangyari sa kaniya ang kritikal na kondisyon niya ngayon. Nagsisisi ako dahil hindi ko man lang siya naprotektahan at nakulangan ako sa pagiging alerto. Ako dapat ang nagliligtas sa kanila at hindi dapat sila ang nagliligtas sa akin o pumoprotekta. Hindi ko alam kung bakit baligtad ang pag-iisip nila tungkol sa isang pinuno. Hindi porket isa akong pinuno nila ay ibig sabihin, ako na ang dapa
