♥ THIRTY ONE ♥
IRENE
Mabigat ang bawat hakbang ko patungo sa parking lot ng ospital. Hinatid ako roon ni Gideon saka niya ako pinagbuksan ng pinto sa driver's seat.
For some reasons he doesn't plan to tell me, he can't come. None of his men could either. Hindi ko alam kung bakit ngunit wala na akong panahon upang itanong pa ang bagay na iyon.
"Mag-iingat ka. Madulas ang daan ngayon." Untag niya bago niya tuluyang isinara ang pinto.
Pinilit kong ngumiti saka ako tumango. "Salamat, Gideon."
Ngumiti na lamang siya saka kumaway nang tuluyan kong pinaandar ang sasakyan.
Binaybay ko ng halos dalawang oras ang daan patungo sa Remorse. Madilim na at pumapatak pa ang kaunting ulan kaya kahit na anong pagmamadali ang gusto ko, hindi ko magawa.
Nalampasan ko ang ilang bayan ng Remorse hang
