Thamara
"THAMARA?" narinig kong tawag ni Oliver sa 'kin. "Gising ka na ba?"
Ikatlong araw ko na rito sa bahay ni Thalia, maayos naman ang buhay ko rito, inaalagaan nila ako. Kinwento ko sa kanila ang buong pangyayari, walang labis at walang kulang.
Nalulungkot ako dahil pareho na silang galit ngayon kay Zkat, ayaw ko na sana ng gulo pero hindi ko naman mapipigilan ang galit nila. Nagbanta si Oliver na magsampa ng kaso kay Zkat dahil sa pag-abandona niya sa anak namin at sa pisikal na pananakit niya sa 'kin ngunit nakiusap akong wag na lang palakihin ang gulo.
"Thamara?" muling kumatok si Oli.
"Yes, gising na ako Oliver, saglit lang," malumanay kong sabi sa kaniya tyaka ako bumaba ng kama at pinagbuksan siya.
Bumungad siya sa 'kin, bihis na bihis mukhang aalis na naman sila ni Thalia,
