SANDRYNNE'S POV
Nasa living room kami ni Reb at magkatapat kami ng couch na inuupuan. Pero naka-focus ang tingin ko sa marble na sahig.
"Alam mo na ba 'to?"
Pumayag si Jessie sa gusto ko na hayaan kami ni Harris magkita sa loob ng isang linggo. Pero tatlong araw na ang lumilipas ay hindi pa rin kami nagkakaharap dahil sobrang busy niya. At sa loob ng tatlong araw na 'yon, wala halos akong naging tulog. Hindi ko magawang ipahinga ang isip ko dahil sa mga nangyayari. Kaya hindi muna rin ako pumasok sa office para makapagpahinga kahit isang araw lang.
Iyong bagay na nalaman ko tungkol kay Harris at Sung Jae and what happened before, it's really disappointing. Mahal ko si Harris. Pero parang hindi ko matanggap na may nawalang buhay dahil sa pambubugbog nila dati.
Gusto ko siyang kausapin.
