PITCHIE'S POV
Nakaupo ako ngayon sa couch at kumakain ng pizza na natagpuan ko sa ref ni kuya. Iyon na lamang ang ipinainit ko sa microwave oven para lantakan dahil nawalan ako ng gana sa mga niluto ni Jenica.
At kung itatanong niyo kung nasaan ang babaeng 'yon? Wala na. Tinakot ko kasi siya na kapag hindi siya umalis ay isusumbong ko siya kay mommy na gusto niya akong pakainin ng mushroom soup.
Kaya hayun, inis siyang nagmartsa palabas ng bahay ni kuya Harris. At syempre, napangiti naman ako. Sa akin pa rin ang huling halakhak.
Dinampot ko ang iPad ko at pag-open ko ng social media account ko ay picture agad ni John Reb Delos Angeles ang bumungad sa akin.
“Pa'no nangyaring lahat ng picture na i-upload n'ya, ang daming nagre-react? Peymus yarn?” Umirap pa ako habang nang-i-stalk sa
