HONEY's POV
Pumasyal ako kina Pitchie dahil sinabihan ako ni Tita Leena na samahan ko muna ang dalawa ngayong weekend—si Pitchie at Eyin, habang wala sila. Out of the country ulit kasi sila ni Tito Harry at baka sa monday pa sila makauwi kaya dito muna ako mag-stay sa kanila ngayon kaysa naman mga katulong lang ang kasama nila.
"Manang, nasa'n 'yung dalawa?" tanong ko sa isang maid nila, si Jenjen, nang pagbuksan ako nito ng gate.
"Nasa garden po yata si Eyin. Si Pitchie, hindi pa bumabangon mula kaninang umaga," sagot nito habang nakasunod sa akin.
Tumango naman ako at nagpatuloy sa paglalakad. Balak ko sanang puntahan si Pitchie sa kwarto niya ngunit natigilan ako saglit.
"Sige, pasok ka na sa loob. Punta muna 'ko sa garden," baling ko kay Jenjen at agad naman siyang humakbang palay
