Sandrynne's POV
Nakasuot pa ako ng pantulog noong lumabas ako sa kwarto. Si Mimi naman ay tulog pa hanggang ngayon kaya iniwan ko muna siya.
I made my way downstairs at tinungo ko ang kusina para magtimpla ng kape. Kahit sabado ngayon ay kailangan kong magtrabaho kaya maaga akong gumising. Marami muna akong dapat tapusin bago ko puntahan mamaya si Tristan. Kailangan ko na rin kasing simulan ang sinabi ng doctor na nakausap ko tungkol sa sitwasyon niya.
Bitbit ang tinimpla kong kape ay nagpunta naman ako sa living room. Naabutan ko roon si Reb, nakaupo sa mahabang couch at busy sa kaniyang cell phone. Mukhang seryosong-seryoso pa ang kaniyang mukha at hindi man lang niya ako napansin.
"Saturday ngayon, ah? May lakad ka?" Umupo ako sa single-seater na couch, sa gilid niya at tiningnan si
