Text
Matalim ang titig ni Papa kay Quincy habang nasa hapag. Tahimik lang ako pero parang sinisilaban ang katawan ko kaya hindi mapakali! Eto ang unang beses na may ipinakilala akong lalake sa kanya at lasing pa! Para tuloy mahahati ang buong lamesa sa diin ng paghiwa ni Papa sa hotdog at bacon sa kanyang plato.
Katabi ko si Mama at kaharap ko naman si Quincy. Panay ang sulyap ko pero chill lang siya. Ako lang yata ang kabado!
"Boyfriend ka ba ng anak ko?" Buong-buo ang boses ni Papa, malamig niyang tinignan si Quincy.
Napa-ubo ako roon. Marahan kong kinalampag ang aking dibdib at uminom ng tubig, inangatan ko ng tingin si Quincy na kalmado at nginitian ang papa.
"No, Sir. Unfortunately, hindi ako ang tipo ng anak niyo." Sagot niya.
Naubo na naman ako. Tumaas ng kaonti ng kaliwang ki
