Kwits
Kahit anong punas ko sa mga luha sa aking mga mata ay tumatagas parin iyon na parang gripong napabayaan. Tapos na ang klase. Ni lunch kanina ay hindi ko na nagawa dahil sa nangyari. Palagi nalang akong naiiyak at hindi makaconcentrate sa iba pang subject.
"Tama na 'yan Trace... Alam naming wala kang kasalanan!" Hinaplos haplos ni Rinka ang aking likod.
"Si Israel ba ang nagbigay nung kwintas sa'yo? Kailan niya binigay eh wala kaming napansing kwintas na suot mo kahapon," sabi naman ni Rose sa akin.
Hindi ako umimik at nagpatuloy lamang sa pag-iyak. Nanlumo silang tatlo habang pinapanood ako. Nagsialisan na ang ibang mga estudyante habang narito parin kaming apat.
"Iyong iba naman nating mga kaklase kung makapag-inarte akala mo alam nila ang buong estorya! Dahil lang kaibigan ni
