PALAKAD-LAKAD si Miguel sa sala ng bahay nila Ysay. Buong araw na siyang naghihintay doon pero hindi pa bumabalik ang dalaga kasama ang lalaking iyon na ex daw nito. Nag-iigtingan na ang mga ugat niya sa leeg at talagang nakakasuntok na siya kanina pa. Never in his entire life na nakaramdam siya ng ganito katinding paninibugho. Kung wala marahil si Ysay sa paligid kanina ay baka nasaktan na niya si Anton.
Ang lalaking iyon na akala mo naman ay may binatbat sa kanya pero kahit ni sa kalingkingan niya ay hindi ito uubra. At ano ba ang nangyayari kay Ysay? Bakit bigla itong sumasama sa ex nitong nanakit din dito? Hindi ba’t isa rin ang lalaking iyon kung bakit hinangad ni Ysay na maging matandang dalaga nalang? Bakit ngayon ay magkasama pa ang dalawa? At bakit siya iniwan nito at sumama sa
