UNTI-UNTING nagkamalay si Ysay. Dahan-dahan niyang iminulat ang mga mata. Una niyang nabungaran ang windshield ng isang sasakyan. Nagsalubong ang mga kilay niya at sandaling inalala kung bakit iyon ang bumungad sa kanya. Hanggang sa manumbalik sa kanyang diwa ang mga nangyari bago siya nawalan ng malay.
Bigla niyang naalala na magkasama sila ni Anton sa sasakyan nito at may itinakip itong panyo sa kanya dahilan para siya mawalan ng malay. Bumalikwas siya mula sa pagkakaupo at mabilis na iginala ang tingin. Kasabay niyon ay nagsimula siyang kabahan.
Paglingon niya sa gawing kaliwa ay nasalubong agad niya ang pares ng mga mata iyon. Mga mata ni Anton. Matiim itong nakatingin sa kanya. Nasa loob pa rin sila ng kotse nito. Napansin niyang madilim na sa labas indikasyon na gabi na. Bigla siya
