MULA sa pinapanood sa tv ay napabalikwas si Ysay. Mabilis niyang dinampot ang cellphone na nakalagay sa center table sa kanilang sala. Nasa sala siya ngayon at nanonood ng movie habang prenteng nakaupo sa mahabang sofa. Kasama niya si Tintin na nanonood din at nakaupo rin sa single sofa katabi ng kinauupuan niya. Mabilis niyang binasa kung sino ang tumatawag. Muntik niyang maibato ang cellphone ng ang pangalan ng kliyente sa farm ang nakalagay sa screen. Pinindot niya ang silent button dahil wala siya sa mood para sagutin ang tawag. Ibinagsak niya sa tabi ang gadget at ibinalik ang tingin sa tv.
"Pang-ilang tawag na iyon na ni-reject mo ah." Puna sa kanya ni Tin.
Hindi siya sumagot. Nanatiling nakatutok ang paningin niya sa telebisyon.
"Baka mawalan ka ng kliyente niyan sa ginawa mo." P
