Lumipas ang ilang araw at pareho silang mas naging busy ni Francis sa kani-kaniyang trabaho. Kabilaan ang mga meetings nilang dalawa. Halos hindi na nga sila nagkakasabay sa hapag. Sa kabila ng pagiging abala, napagbigyan nila si May sa gathering sa bahay ng mga ito. Birthday party ng asawa nito at nakakahiyang huwag paunlakan ang imbitasyon. Paminsan-minsan lang naman din kasing nangungulit si May. Bukod sa mga kaklase dati ni May at mga katrabaho, Claudette and Joseph were also in attendance. Away-bati man sina May at Claudette, may mga pagkakataon pa ring nagkakasama ang mga ito. Magkaibigan kasi sina Joseph at Greg, ang asawa ni May.
“Himala at naisama ni Joseph sa boring na gathering na ito ang bestfriend mo.”
“May?” May warning ang titig niya sa kaibigan. Alam niyang may laman ang
