“Belen, ang manga, nasaan na? Nahiwa ba’ng mabuti?”
Hindi magkandatuto si Bettina sa pagmando sa mga katulong habang bitbit ang platter ng sinangag na niluto niya. Umuusok pa iyon at ang bango ng amoy.
“Ay, oo nga pala, Ma’am!”
Gusto na niyang tirikan ng mga mata si Belen. Sa tagal na nito sa kanila, hindi pa rin nito makuha-kuha ang routine sa bawat umaga. Alam na alam naman nito na hindi kumakain si Francis nang hindi inuuna ang prutas.
Speaking of her husband, gising na kaya ito?
Inilapag niya sa mesa ang platter at tinanggal ang tali ng apron sa likuran at iniabot muna iyon sa katulong. Pinuntahan niya ang asawa sa study. These past few days, halos sa opisina na natutulog si Francis, pagdating naman sa bahay, sa study pa rin nagbababad. Over the years that they had spent together,
