Celine's POV
Umuwi ako sa mansyon matapos niyon. Hindi ko rin alam kung bakit dito ako dinala ng mga paa ko. Wala na talaga akong ibang naiisip ngayon kundi si Curt...
Hindi naman ako nahirapan na pumasok sa loob gamit ang kotse ko. Mukhang hindi naman nagbago ng protocol ang household namin. Baka hindi nasabihan ni Curt. Dapat sa mga ganitong oras ay gumagawa na siya ng paraan para hindi na ako makalapit sa kanya. After what happened between us, hindi ko rin alam kung saan ko nahuhugot ang kapal ng mukha ko para magpunta pa sa kanya ngayon.
Pumasok ako sa loob ng mansyon at dire-diretso na pumunta sa kwarto namin ni Curt. Pagkabukas ko ay nakita ko kaagad ang pamilyar na kwarto. Halos walang nagbago.
I blinked twice at the sight. Tila may kumukurot sa puso ko sa pagkakita sa paligid.
