“Sorry po natagalan ako,” sabi ko kay Don Santillan pagkasakay ko ng kotse. Magkatabi kami sa back seat habang si Kuya Dado ang driver namin at may isang bodyguard kaming kasama na nakaupo sa harapan. Tiningnan lang niya ‘ko, pero wala siyang sinabi.
“Dado, pakilakasan ‘yung aircon. Naiinitan ako.” Nainitan siguro siya nang hanapin niya ‘ko kanina. Saan-saan kaya siya nagpunta para lang hanapin ako? Ang tanga ko kasi. Imbis sa direksyon ng parking lot ako pumunta kanina, bumalik ako sa school building kaya mas lalo pa akong napalayo. At kung hindi ako sinundan ni Gavin at hinila papasok ng classroom, sana nakabalik agad ako kay Don Santillan.
Kahit nilakasan na ‘yung aircon pinagpapawisan pa rin ‘yung palad ko dahil sa nerbyos, kahit na hindi naman nila kami nahuli kanina. Hindi rin ako
