Nagmamadali akong lumabas ng mansyon nang malaman kong magkasama sina Gavin at Bernard. Hindi ko na nga nagawa pang magsuot ng tsinelas dahil tumalon na lang ako pababa ng kama at tumakbo na. Ang ikinakatakot ko kasi, ay ‘yung magkasakitan silang dalawa, lalo pa’t masyadong mapilit itong si Gavin at madali namang mag-init ang ulo ni Bernard.
“Don Santillan, intindihin n’yo na lang po ‘yung bata,” narinig kong sabi ni Manang nang malapit na ako sa kanila. Nasa labas siya habang umiiyak at kasama sina Ate Nora at Ate Che na walang nagawa kundi panoorin na lang kung paano tutukan ng baril ni Bernard si Gavin na nasa loob na ng bakuran namin.
“Kakausapin ko lang po si Leeanne. Kapag nakausap ko na po siya aalis din ako,” sabi ni Gavin habang nakataas ang mga nanginginig na kamay at hindi m
