THIRTY TWO
Ilang oras ang lumipas sa aming pagkukwentuhan at natapos na nga kaming kumain. Maya maya pa ay muling tumindig si Ginoong Mario sa unahan naming lahat.
"Ihanda na natin ang ating mga sarili. Magsisimula na sa ilan pang mga sandali ang ating pagpupulong. Mayroon tayong mahalagang pag-uusapan," sambit niya.
Pansin ko sa kaniyang mga mata ang hangarin na mapangunahan ang mga nakaligtas tungo sa pagpoprotekta sa kanilang mga sarili laban sa mga masasamang loob na pumapatay.
"Huy! Natutulog ka na yata," asar saakin ni Laurenz.
"Hindi, sira talaga ang ulo mo. E kung hambalusin kita, makakatulog ka kaya?" pabirong sagot ko sabay tawanan namin na sinabayan naman ni Hannah na kanina ay malungkot dahil sa pangungulila sa kaniyang mga magulang.
Isa-isa namang nagsilabasan ang mga
