"Paano? Maiwan ko na kayo. I have to go back to Sachi. I need one more round before leaving."
Ito ang pinakahihintay kong sasabihin ni Judas sa buong oras na nag-iinuman kami. Kanina ko pa inaabangan ang pag-alis niya pati na rin ni Ryuki dahil gusto ko nang mapag-isa.
"Boss, nang-iinggit ka naman," matabil na ang dila ni Ryuki dahil lasing na rin ito. Sa aming tatlo ay ito ang nakarami ng inom sa alak na dala ni Judas.
Tumawa naman nang malakas si Judas. Lasing na rin ito kaya ayos lang dito ang mga pagbibiro ng tauhan niya.
"Ain't that my purpose in coming here, Ryuki?" nagtawanan pa silang dalawa samantalang kanina pa ako naiirita sa presensiya nila lalo na sa presensiya ni Judas sa harapan ko. Kung pwede lang na ibato ko na ito palabas ng silid ko ay ginawa ko na. Tuwing nagtataw
