"Stay here for a while, Carem. The guys and I will work on having you travel to Japan with minimum problems. As of now we can't be sure to send you to the airport and be publicly seen."
Tumango ako kay Ace bago sumulyap kay Sachi na iginagala ang mga mata sa paligid. Nandito kami sa building na pag-aari ng pamilya ni Ace. Masaya na ako rito. May lugar kaming pagtataguan ni Sachi pansamantala habang pinag-aaralan ang magiging sitwasyon namin ngayon na tumakas kami kay Judas.
Hindi kami dumiretso sa Japan dahil ayon na rin kay Daren, tama naman si Judas sa sinabi nitong marami ang naghahanap kay Sachi dahil na rin sa laki ng reward na ibibigay ng ama nito sa sinomang makababalik dito sa pamilya nito. Sigurado rin na kalat na ang mukha nito hindi lang sa mga mafia groups kundi maging sa mg
