Ilang beses akong nagbuga ng malalakas na paghinga. Tulog na tulog na si Sachi sa tabi ko na nakayakap pa sa akin samantalang nakikipagtaguan na naman sa akin ang antok ko.
Napangiti ako. Halos isang linggo na kaming tabing matulog ni Sachi sa gabi. Halos isang linggo na rin akong puyat pero ayos lang iyon. Mula kasi nang umalis si Judas noong hiking dalawa niya at hindi na ito bumalik pa rito sa isla. Lumalala na yata ang karamdaman ng kanyang ina kaya hanggang sa pakikibalita na lang ang nagagawa niya. Advantage iyon para sa akin dahil nagkaroon ako ng maraming oportunidad para ilapit ang sarili ko kay Sachi at para mas sanayin siya sa presensiya ko.
Muli akong bumuntonghininga. Ayaw talaga ng isipan kong patulugin ako. Bukod sa pagkakadikit at pagkakayakap sa akin ni Sachi ay inaaba
