"I didn't know na masarap din palang magduyan malapit sa dagat."
Niyuko ko si Sachi na nakaunan sa dibdib ko. Nakahiga na kami nang magkatabi sa duyan. Napagod na kasi ang mga paa ko sa katutulak sa aming dalawa upang gumalaw ang duyan kaya naman sinabi kong mahiga na muna kami.
"You've never experienced this before?" tanong ko.
"Hindi, eh." Bumuntonghininga siya. At dahil hindi na ako nagsalita pagkatapos ng sinabi niya ay kusa na siyang nagkuwento.
"Alam mo namang lumaki akong nasa loob lang ng bahay. Nakakulong lang sa kuwarto. Lumalabas lang ako kapag kakain na kami, kapag oras na para sa home schooling namin o kailangan na naming mag-ensayo para sa aming self-defense lessons. Nakalalabas lang ako ng bahay kapag may party na kailangang isama ako ni Daddy at kapag lumalabas kami
