Nangingitim ang ilalim ng mga mata ko nang magising ako kinabukasan. Kung nagtataka kayo kung bakit? Itanong nyo sa gagang Clara na 'yon na pinuyat ako kagabi.
Anong oras na kasi ay nandito pa sya sa bukot ko at nagpapakwento sa nangyari sa amin sa Falione.
"Woah, may nakalaban kayong mga nilalang sa pagpunta nyo ron?" Manghang tanong nya habang nakatabi sa akin sa kama.
"Hmm. Mabuti na lamang ay kasama ko si Scott. Pero hindi naman ako naging pabigat no! Sa totoo nga nyan sabi pa nya gusto nyang nakatandem ako sa laban." Proud na kwento ko sa kanya.
Mabilis kong tinakpan ang bibig nya dahil sa pagtili nya. Anong oras na kasi at baka magising ang mga kapitbahay nakakahiya.
"Ihhhh. Alam mo ba na never pang nagkaron ng partner 'yon sa labanan?" Nakangiting tanong nya sa akin.
"Alam
