Halos lahat nadako ang tingin kay Attorney Sanchez. Maging si Adrian na katabi nito ay tila na-pressure na rin. Alam na niya ang lahat pero ang pressure ay masyado pa rin nakakaapekto sa kanya.
"He's here kaya hindi niyo na kailangan pang hanapin," deklarasyon pa ni Attorney. Tumingin pa ito sa kanya.
Kinontak siya nito kamakailan lamang para sa panibagong offer. At ngayon nga ay naroon siya dahil dito. Naroon siya para sa iisang agenda. Ang makipagsanib puwersa kay Attorney Sanchez. Tama naman kasi ito. Hindi basta-basta niya makukuha ang ampunan na hindi niya paghihirapan. Isa pa, he still loves the company he grew with. Doon siya lumaki sa kompanyang iyon kahit hirap ang dinanas niya sa kamay ng ama ni Lalaine. Masasabi niyang pinaghirapan niya ang kompanya at kung ano ngayon ito.
