Napahawak ako sa bibig dahil sa gulat. Hawak ni Gio ang panga niya at masamang tinignan si Hector! Nako naman! Gulo ulit! Hindi na ako tinantanan ng gulo!
Nanlaki ang mata ko noong dumura siya ng dugo. Hala!
“Gio!” Dinaluhan ko ang kaibigan na nasa semento. Automatic na tinignan ko ang mukha nito. Baka mamaya tumabingi na ang mukha niya! Bakit kasi nangulit pa siya dito?!
Kung nagtiwala siya sa’kin, baka wala pa siyang bangas di ba!?
“Ano? Edi nakatikim ka?” Asar ko sa kaibigan at hinawakan ang pisngi nito. Bobong tanga!
“Sakit ‘teh…” Bulong ni Gio at ginalaw ang panga niya. Ayan, tinablan ng takot!
“Sino ang lalaking ‘yan?”
Doon ko lang napansin si Hector na masama ang tingin sa’ming dalawa. He is staring at Gio darkly na parang ready pa ulit siya sumapak! Nako, ‘wag naman sana!
