It Started with a Kiss

Lakas-loob na tinanggap ni Andrea ang hamon ng isang kaibigan na kung sino ang unang lalaki na daraan sa hallway ay hahalikan niya. Of all people, si Adrian pa na siyang kinaiinisan niya ang naparaan. Hindi lingid sa kaalaman ni Alex na tagos hanggang langit ang inis niya kay Adrian dahilan para tuksuhin siya nito na may crush lang siya kay Adrian. Para maisalba ang pride, pikit-matang sinunggaban niya ng halik sa labi si Adrian atsaka siya nagtatakbo papalayo. Awang ang mga labi ni Adrian na noo'y sinundan lang siya ng tingin. Mula noon binulabog na ni Adrian ang huling isang taon niya sa kolehiyo.

Nang maka-graduate ng colllege inakala ni Andeng na nakatakas na siya sa anino ni Adrian pero laking gulat niya nang muling mag-krus ang landas nila ni Adrian matapos ang tatlong taon. Muli silang nagkita sa kompanyang papasukan niya pero hindi niya lang ito basta ka-trabaho dahil ito mismo ang CEO ng kompanyang pinasukan niya.

Mababawi pa kaya niya ang maling akala ni Adrian tungkol sa kanya? O paninindigan niya na lang kung paano siya nito nakilala?