"Sige po, baka po sa isang araw, gawin ko 'yon kapag wala akong masyadong gawa at pag busy na si Sir."
"Bakit hindi mo na lang sabihin kay Meast? Maiintindihan ka noon, mabuting tao si Meast kahit na masungit. Maiintindihan niya ang sitwasyon mo at hahayaan ka no'n tumira muna rito hanggang sa makapanganak ka. Baka bigyan ka pa niya ng trabaho sa isa niyang kompanya kahit hindi ka pa tapos sa pag-aaral," napaiwas ako nang tingin sa sinabi niya. Kung ibang tao si Meast ay 'yan din ang gagawin ko. Pero may kung ano sa akin na ayokong malaman niya.
Ayokong malaman niyang buntis ako, na magkakaanak ako sa ibang lalaki. Hindi ko alam kung bakit pero iyon ang nararamdaman ko. Natatakot kasi ako na, baka umiba ang tingin niya sa akin.
"Kia," napaangat ang tingin ko kay Tiya ng sumeryoso ang bo
