Ilang oras na mula nang makaalis ang kaibigan niyang si Chris at ang kasintahan nitong si Cenna pero hindi pa rin nawawala sa isip niya ang sinabi nito. Mukhang hindi lang basta pagkadulas iyon kung hindi may mas malalim pa na ibig sabihin. Lalo na nang ibahin nito ang usapan nang magtanong siya tungkol sa sinabi nito. Hindi lang 'yon, bigla na lang itong nagyayang umuwi kahit sinabi nito sa makikikain ito sa kanila dahil nakita nito na nagluluto siya. Bigla ang pag-iwas nito kaya sigurado siya na may ibang ibig sabihin ang nasabi nito. Pero ano 'yon? Anong ibig sabihin nito na na-miss niya ang asawa ng ilang taon? Bakit? Nagkahiwalay ba sila ng matagal? Sa pagkakatanda kasi niya ay buwan lang naman ang inabot niya sa isla kung saan siya napadpad nang mawalan siya ng memorya. Kaya ano ang
