Kabanata 30
Z A C H I A
Agad sumilay ang isang malawak na ngiti sa labi ko nang makita ang sasakyan ni Caleb sa labas ng school. Wala kaming napag-usapan na siya ang susundo sa akin ngayon at akala ko magkikita na lang kami mamaya sa bahay. Pero s’yempre mas natutuwa ako na siya ang sumundo sa akin dahil mas mahaba ang oras namin na magkasama.
Kanina sa klase, tamad na tamad talaga ako at gustong-gusto ko ng pabilisin ang oras para dito. Para makita ko na ulit siya. Baliw na ba ako? Siguro. Pero ayos lang naman sigurong mabaliw kung sa tamang tao naman. Saka sabi ni Moira ganito daw talaga kapag first love. Mababaliw ka daw talaga ng todo kaya ito din ang pinaka masakit sa lahat. Kasi sa unang pagmamahal mo binubuhos lahat, hanggang sa nakakalimutan mo nang magtira para sa sarili mo.
S
