Kabanata 18
Z A C H I A
"Pasensya na talaga, ah. Hindi ko din inakala na mangyayari 'yon. Babawi ako sa pasukan.”
Singhap lang ang narinig ko mula sa kabilang linya. Pagdating ko sa bahay at pagpasok sa kwarto ay agad kong tinawagan si Lawrence para humingi ng pasensya sa nangyari kanina. Sa totoo lang nahihiya na talaga ako sa kanya. Pangalawang beses ng nangyari ito.
Bakit ba kasi lagi na lang kaming nahuhuli ni Caleb? Kung nasaan kami saktong nandoon din siya. Napaka galing lagi ng timing. Ayos lang sana kung tulad noong una ay hinila na lang niya ako agad, kaya lang hindi gano’n ang nangyari, eh.
Nag-iskandalo siya sa harap ng maraming tao, hindi lang si Lawrence ang ipinahiya niya kundi pati na din ako. Tapos minura niya pa ito ng harapan. Sinong hindi magagalit sa inasal niya?
