PAGDATING nina Ezra at Blaze sa Batangas, sa Gotohan ni Aling Corazon, ay wala na roon ang kotse ni Malik. Sarado ang gotohan at may white board na nakasabit. Nakasulat doon na hindi sila magbubukas sa araw at gabi na iyon. Bakante ang tapat ng Gotohan at walang ibang sasakyan kung hindi ang kay Ezra. Nasa highway ang Gotohan na iyon ngunit madalang ang sasakyang dumadaan. Magkasunod silang bumaba ni Blaze ng kotse.
"s**t, nasaan na? Akala ko ba nandito?" bulong niya habang palinga-linga sa paligid. Maya-maya pa ay dumating at pumarada na rin ang kotse ni Oz sa tabi ng sasakyan ni Ezra.
Magkasabay na bumaba mula sa kotseng bagong dating sina Oz at Fiona.
"Wala rito? Nasaan?" parehas sila ng tanong ng kaibigan.
Sasabihin pa lang ni Ezra na tawagan ni Oz si Dash ay naidial na ni Fion
