"How the heck did you changed your appearance?" Hindi kumukurap na tinitigan siya ni Mrs. Perez na akala mo ay daig pa nito ang nakakita ng alien.
Napakamot sa ulo si Louisa. "Kuwan... ano ho kasi... Madam—"
"Aha! Alam ko na!" Naniningkit ang mga matang putol nito sa sinasabi niya. "Kaya siguro nangawala na lang bigla ang ibang mga alahas at mamahalin kong bag! Ninakaw at binenta mo para ipambayad sa pagpaparetoke at pagpaparemedyo diyan sa pagmumukha mong puro kalyo at kulugo!"
Ang sakit naman ni Madam magsalita! Pero tinawag lang siya nitong pretty, ah?
Huminga ng malalim si Louisa. “Wala akong ninananakaw sa mga alahas at kagamitan niyo, Madam. Hindi ho ako pinalaki ng mga magulang ko na gumawa ng masama,” malumanay paliwanag niya.
"LIAR!" Pahisteryang sigaw nito. "Ikaw lang ang
