NILINGON ni Louisa si Ace na nagmamaneho sa kaniyang tabi. Pangiti-ngiti pa ito habang sinasabayan nang marahang pagtango ang beat ng kantang tumutugtog sa stereo. Mas lalong gumanda ang mood nito.
Katatapos lang nilang makipag-usap kay Pete na napag-alaman niyang agent pala nung binibentang commercial space na pinuntahan nila. May mga papeles itong pinapirmahan kay Ace at sinabing on process na 'yong ibang papeles, na ipapadala lang sa binata kapag naayos na.
"Binili mo na 'yong commercial space na pinuntahan natin?" Kaswal na tanong ni Louisa rito.
"Oo. Baka maunahan pa ako, eh. I heard, maraming nag-iinquire dun. Medyo mataas lang ang pricing nung may ari kaya hindi pa rin na nabibili. Well, I can't blame him. Maganda naman kasi ang location. Malapit sa lahat plus daanan pa ng mga
