NAALIMPUNGATAN na nagising si Louisa. Binangon niya n ang ulong nakasandal patagilid at hinilot-hilot ang leeg na nangalay. Dumilat siya at napagtantong nasa library pa rin sila.
Hinihintay niya ang text ni Andrei kung nakarating na ba ito sa condo. Kaso sa tagal mag-reply ng binata, hindi na namalayan ni Louisa na nakatulog pala siya.
Teka, anong oras na ba?
Dinukot niya ang cell phone sa bulsa ng skirt at namilog ang mga mata niya nang makitang pasado alas sais na pala ng gabi.
Mabilis na nilingon ni Louisa si Ace sa kaniyang tabi. At nakitang nakapikit ito na tila ang himbing pa ng tulog habang nakaakbay sa kaniya.
Kaagad na niyugyog ni Louisa ang hita ni Ace. "Gising! Gising!"
Kaso imbes na gumising, tumagilid ng pwesto ang lalaki paharap sa kaniya, niyakap ang isa pang bras
