NASA loob pa ng banyo si Louisa nang marinig niyang bumukas ang pinto ng silid na inuukupa nila. Mayamaya nakarinig na siya ng sunod-sunod na katok.
"I have your things here."
Itinapis niya sa katawan ang tuwalya na provided ng inn bago bahagyang binuksan ang pinto at sumungaw roon. Nakita niya si Ace na bitbit ang katamtamang laking backpack niya.
"Nandiyan na ba lahat ng gamit mo?
Tumango siya at kinuha mula rito ang backpack. "Oo. Salamat."
"How about your bathing necessities?"
"Meron na rito."
"Okay. Lalabas pala ako ulit. Hindi ako nakadaan ng conveniece store. Do you need anything?"
"Sasama na lang ako. Hintayin mo 'ko."
Kumunot ang noo nito. "Huwag na. Umuulan. Ako na lang."
Umikot ang eyeballs niya. "Hindi naman ako pusa na takot sa kaunting ulan. Basta hintayin mo 'ko!
