Venus Sebastian
“Minahal kita, mommy kahit hindi ko maramdaman ang pagmamahal sa’yo… Kaya pala lagi akong umaamot ng atensyon… You’re not my real mother! Sinira mo ang buhay ko at inilayo sa tunay kong ina.”
“Ace!” nasambit ko sa kabila ng pakikinig sa kanila. Wala na akong masabi.
Ako mismo ay napahagulgol dahil nakita ko ang itsura ni Ace habang nakaluhod pa rin siya at alalay ang Daddy niya. Kulang na lang ay tumulo ang luha nito sa mga narinig. Kung sa akin nangyari ang nangyari sa asawa ko ay hindi ko alam kung paano pa kakayanin na malaman na hindi ko totoong ina ang kinalakihan ko.
41 years old na si Ace. 41 years siyang nabubuhay sa kasinungalingan. Hindi lang ‘yon… pati si Ate Amor, sinira ni Donya Tasha ang buhay. Mas mahaba ang panahon na nagdusa siya kesa mas naging masay
