Venus Sebastian
“Melody?”
Kinabahan ako. Alam kong pangalan iyon ng namatay na asawa ni Ace. Bigla ay napatingin ako muli sa kalsada at nakita ko ang magandang babae na papaalis na at mukha pa rin na galit dahil muntik na naming masagasaan.
Nang muli akong tumingin kay Ace ay ngayon ay namumutla na ito.
“Ace?” sobrang hina ng tawag ko at mukhang hindi niya narinig dahil ngayon ay nasa harap pa rin ang tingin niya habang nakahinto pa rin kami kahit nakaalis na ang babae.
“Hoy! Hindi niyo pag-aari ang kalsada!” Bigla ay napakislot ako dahil sa kalampag sa kotse ni Ace.
Nang napalingon ako ay may isang traffic enforcer na pinapausad na kami. Narinig ko na rin ang mga busina ng ibang sasakyan. Nakalikha na kami ng bigat ng traffic dahil nasa intersection kami ng kalsada.
“Ace! Umalis n
