Venus Sebastian
“Are you sure na hindi na natin sasabihin kay Kuya Ace nandito tayo sa ospital?”
Napalingon ako nang nagtanong si Ate Amor. Narito kami ngayon sa sasakyan na binili ni Ace para service namin ng mga bata kapag aalis kami ng mansion. Natatanaw ko na ang ospital nap ag-aari nila Doc Jino at ilang sandali na lang ay bababa na kami ng kotse.
“Hindi na, Ate… Kilala mo naman ang asawa ko. Baka hindi ‘yon mapakali at biglang sumugod sa akin.”
Masyado pa naman na OA si Ace pagdating sa akin, pati na rin sa kambal. Nang nakaraang lingo lang ay nagkaroon ng sipon si Georgia ay hindi na ito pumasok ng dalawang araw para personal na mag-alaga sa anak.
Simpleng hilo lang naman kasi ang naramdaman ko kanina habang sinamahan ko si Ate Amor na mag-shopping ng mga damit nito sa mall.
