Venus Sebastian
“Venus, ready ka na ba?”
Hindi ko magawang tumingin kay Ate Amor na nasa gilid ko dahil naka-focus ako sa itsura ko ngayon sa salamin.
“Kinakabahan ako, Ate.” Mahinang sambit ko.
Ngayon ang araw ng church wedding namin ni Ace at tapos na akong mabihisan at maayusan. ‘Yung wedding dress kong una kong napili ay hindi ko na naisuot dahil hindi ko pa alam na buntis ako no’n kaya nagpatahi uli ako ng bago. Itong suot ko ngayon ay hindi halata na buntis ako dahil maluwag ang bandang tiyan.
Maliit lang din ang pagbubuntis ko dahil three months pa lang naman. Hindi pa halata kapag maluwag ang suot ko. Para lang akong busog. Sana lang ay isang bata lang ang laman ng tiyan ko. Gustong gusto ni Ace ng twin or triplet daw. Palibhasa ay hindi siya ang nagdadala sa sinapupunan, eh
