Christmas party na ngayon sa buong Emerald at huling araw na rin ng pasukan ngayong taon, kaya naman todo damit ang lahat ng mga estudiyante ngayon. Kaliwa't-kanan din ang nagbibigayan ng mga regalo.
Ako naman ay nasa loob ng office dahil may mga kailangan akong tapusin bago magbakasyon.
"Hindi ka pa ba pupunta sa room? Nandoon na ang mga pagkain," sabi sa 'kin ni Zeno pagkarating niya sa office.
"Kailangan kong tapusin 'tong ilang documents dito. Mauna ka na kung gusto mo," sabi ko naman habang nakaharap sa isang laptop.
"Tetsu, today is a day for celebration. Don't deprive yourself of the chance to enjoy and be happy kahit na ngayong araw lang," iritang sabi ni Zeno.
Sasagot pa sana ako nang biglang sumabog ang pinto. "MERRY CHRISTMAS, TETSU!" bungad sa 'min ng kambal na parehong na
