HINDI KAAGAD umalis si Mathias sa unit ni Sybilla pagkatapos nilang kumain ng hapunan. Hindi naman nagreklamo si Sybilla lalo na nang magpresinta ang lalaki sa pagliligpit ng mga pinagkainan. Hindi maikaila ni Sybilla ang katotohanan na natutuwa siyang makita na hindi katulad ng ibang lalaki si Mathias na inaasa ang lahat ng gawin sa bahay sa mga babae.
Ngunit bahagya pa ring nailang si Sybilla habang pinapanood si Mathias na at ease na at ease sa loob ng kanyang unit. Sanay siya na palaging mag-isa. Sanay siyang nagtataboy ng mga lalaki kung tapos na siya sa mga ito. Ngunit hindi niya iyon magawa kay Mathias. Hindi lang dahil dinalhan siya nito ng pagkain. Hindi rin naman kasi ang tipo ni Mathias ang madaling itaboy.
“Do you own a fancy gown or a dressy dress?”
Nangunot ang noo ni Syb
