"Do you regret it?"
Pinag-isipan ko muna nang matagal ang katanungang iyon bago ko nilingon ang taong pinanggalingan ng tanong. Nakatingin din siya sa akin. Wala mang ngiti sa mga labi niya at blangko man ang ekspresyon ng kanyang mukha ay hindi maipagkakaila ng kanyang mga mata ang pananabik niyang marinig ang magiging kasagutan ko. Palihim akong napangiti. He's a very secretive guy but it seems like I have the power to understand his hidden feelings and thoughts.
"Hindi. Hindi ko pagsisisihan iyon," totoo sa loob kong sagot sa kanya. At dahil sa sinabi ko ay gumuhit ang ngiti sa mga labi niya.
"How about this? Do you regret this?" Muli niyang tanong bago niya itinaas ang mga kamay naming magkahawak.
Hindi ko na kinakailangan pang pag-isipan ang isasagot ko sa kanya sa pagkakataong
