“WHY DID he die?” usisa ni Hershelle nang mapansin niyang tumabi sa kanya si Edmark. Nakatayo siya sa salaming dingding habang nakatanaw sa mga skyscraper sa labas ng hotel.
Nagpakawala ng buntunghininga si Edmark. “Sasabihin ko iyong nangyari sa kanya kung gagawin mo rin iyong ipinapagawa ko sa iyo.”
Kunot noong nilingon ni Hershelle ang katabi niya. “Ano ba iyong pinapagawa mo?”
Hinawakan ni Edmark ang kamay niya at hinila siya palayo sa dingding. “Halika dito,” wika nito. Nang makarating sila sa seating area ay pinaupo siya nito.
“Tapos, anong gagawin ko?” naguguluhang tanong ni Hershelle.
Umupo sa harap niya si Edmark. Inilapit nito ang notepad at ballpen. “Isulat mo diyan ang lahat ng rules and regulations mo sa pagsasama natin bilang mag-asawa, parang do’s and don’ts.”
Napakam
